Türkmenistan

Türkmenistanda ýurduň paýtagty bilen welaýatlarynyň arasyndaky otly we awtobus gatnawlary üçin biletleriň ýetmezçiligi ýene ýitileşdi. Bu bolsa, ilat arasynda sebitara taksi hyzmatlaryna bolan talabyň artmagyna we olaryň ýol kireý nyrhlarynyň ýokarlanmagyna getirdi.

Türkiýede ýaşaýan türkmenistanly öňki aktiwist Ahmet Rahmanow özüniň we maşgalasynyň howpsuzlygyndan howatyrlanýar. Azatlyk Radiosynyň we “Migrant Media” proýektiniň öňki habarçysy birnäçe adam tarapyndan yzarlanýandygyny, telefon we Internet ulgamlary arkaly haýbat atylandygyny aýdýar.

Balkanabat şäherinde gazet-žurnallara býujet işgärlerini we mekdep okuwçylaryny mejbury abuna ýazmak möwsümi batlandy. Şu ýyl şäheriň orta bilim berýän edaralarynyň ençemesinde, geçen ýyllardakydan tapawutlylykda, bilim resmileri abuna ýazylmadyk okuwçylary mekdebe goýbermeýärler.

Prezident Serdar Berdimuhamedowyň ABŞ-a edýän saparynyň, şu günler balkanlylaryň arasynda ara alnyp maslahatlaşylýan esasy temalaryň birine öwrülendigini synlasa bolýar. Raýatlaryň bir bölegi sapardan “özgerişlere, adam hukuklarynyň gowulanmagyna” garaşsa, ýene bir bölegi “umyt ýokdugyny” aýdýar.

Türkmenistanyň Ýaragly güýçleriniň düzümindäki harby bölümlerde hökmany gulluk borjuny edýän esgerler bilen olaryň serkerdeleriniň arasynda bikanun söwda gatnaşyklary möwç alýar diýip, ýakynda harby gullukdan boşap gelen raýatlaryň ençemesi Azatlyk Radiosynyň habarçysyna gürrüň berdi.

Owganystanyň demirgazygynda 2-nji noýabrdan 3-nji noýabra geçilen gije bolan we onlarça adamyň heläk bolmagyna getiren ýer titreme Türkmenistanyň gündogar, günorta we demirgazyk sebitlerinde hem ýiti duýuldy, ýöne adam pidalary bolmady.