(General News) ၶၢဝ်ႇပွမ်ၶၢဝ်ႇၽၢင်းၽႄႈငၢႆႈ သၢင်ႈတူင်ႇၵူၼ်းတႅၵ်ႇ သၢင်ႈၸၢဝ်းၶိူဝ်းၸင်းၵၼ်

ၶၢဝ်ႇပွမ်ၶၢဝ်ႇၽၢင်းၽႄႈငၢႆႈ သၢင်ႈတူင်ႇၵူၼ်းတႅၵ်ႇ သၢင်ႈၸၢဝ်းၶိူဝ်းၸင်းၵၼ်

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ၵူၼ်းၼႂ်းလူၵ်ႈလုမ်ႈၾႃႉၼႆႉ ၽႂ်ၵေႃႈ ၶႂ်ႈလႆႈလီ ၊ ၽႂ်ၵေႃႈ ၶႂ်ႈယူႇၾၢႆႇပေႉ ၵူၺ်းၵႃႈ ဢိင်ၼိူဝ်တူဝ်ၵဝ်ႇၶႂ်ႈလႆႈလီ ၶႂ်ႈပေႉပုၼ်ႈၼၼ်ႉသေ သမ်ႉမီးၸႂ်သူၺ်ႈၸႂ်ၼိင်ႈၵၼ်မႃး ။

ပေႃးတူၺ်းငဝ်းလၢႆးမိူဝ်ႈလဵဝ် ၼႂ်းမိူင်းႁူမ်ႈတုမ်မၢၼ်ႈ ပတ်းပိုၼ်ႉ ပႃးၸဵမ်မိူင်းတႆး မီးၵူၼ်းၶႂ်ႈသၢင်ႈၸိုဝ်ႈသဵင် ၊ မီးၸုမ်းတေႃႇၸုမ်း ၶႄႉၵၼ်လၢႆလွင်ႈလႄႈ တူင်ႇၵူၼ်း ၵေႃႈတႅၵ်ႇၵၼ် ၊ ၸုမ်းတေႃႇၸုမ်းၵေႃႈ ၶိုၼ်းႁၼ်ၽိတ်းၵၼ်တင်းၼမ် ။

သမ်ႉပဵၼ်ၵၢပ်ႈသိုဝ်ႇၼႅင်ႈသၢၼ် ဢွၼ်ႊလၢႆႊလႄႈ ၸိူဝ်းႁဵတ်းၶၢဝ်ႇပွမ်ၶၢဝ်ၽၢင်းသေ သေႃႇသူၼ်းႁႂ်ႈၸၢဝ်းၶိူဝ်းၼင်ႇၵၼ်ၽိတ်းၵၼ် ၸင်းၵၼ်ၵေႃႈမီး ။ သိုၵ်းမၢၼ်ႈၵေႃႈ လိူဝ်သေ ဢဝ်ၶိူင်ႈၵွင်ႇၵၢင်ႇတိုၵ်းတေႃးၸုမ်းလုၵ်ႉၽိုၼ်ႉၶဝ်ယဝ်ႉ ဢဝ်သိုဝ်ႇဢွၼ်ႊလၢႆႊ သူၼ်းသေႃႇႁႂ်ႈ လၢႆမူႇလၢႆၸုမ်းဢၼ်လုၵ်ႉၽိုၼ်ႉၶဝ် ႁၼ်ၽိတ်းၵၼ်တင်းၼမ်။

မိူင်းတႆးၵေႃႈ ၸၢဝ်းၶိူဝ်းမီးၼမ်လႄႈ သိုၵ်းမၢၼ်ႈလႄႈတၢင်ႇမူႇတၢင်ႇၸုမ်း ၵႆႉဢဝ် သိုဝ်ႇဢွၼ်ႊလၢႆႊသေ သူၼ်းႁႂ်ႈတႅၵ်ႇၵၼ်ထႅင်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews