(General News) ၵူၼ်းၶၢႆငိုၼ်းပွမ်တၢင်းဢွၼ်ႊလၢႆႊလိူင်ႇၼမ် ၵူၼ်းႁႃၵိၼ်ဝၼ်းလႂ်ဝၼ်းၼၼ်ႉ ၵိၼ်းၸႂ်
Shan Herald Agency for News (SHAN)
ၵူၼ်းၶၢႆငိုၼ်းပွမ်တၢင်းဢွၼ်ႊလၢႆႊလိူင်ႇၼမ် ၵူၼ်းႁႃၵိၼ်ဝၼ်းလႂ်ဝၼ်းၼၼ်ႉ ၵိၼ်းၸႂ်
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
တႃႇႁႂ်ႈၸိုင်ႈမိူင်းၼိုင်ႈလုၵ်ႈ ပေႃးတေၵတ်းယဵၼ်ၼိမ်တဵင်ႈၼၼ်ႉ လူဝ်ႇၵွၼ်းၵိူင်ႈလၵ်းသၢင်ႉ သဝ်လူင် 4 ဢၼ် ။ မိူၼ်ၼင်ႇ ၾၢႆႇႁႅၼ်းၾိင်ႈ ဢၼ်ဝႃႈ (ဉပဒေပြု ရေး) ၊ ၾၢႆႇၽွင်းငမ်းဢၼ်ႁွင်ႉဝႃႈ (အုပ်ချူပ်ရေး) ၊ ၾၢႆႇတတ်းသိၼ် ဢၼ်ႁွင်ႉဝႃႈ (တရားစီရင်ရေး) လႄႈ ထႅင်ႈဢၼ်ၼိုင်ႈတႄႉပဵၼ် ၾၢႆႇသိုဝ်ႇၶၢဝ်ႇ။ မိူင်းႁူမ်ႈတုမ်မၢၼ်ႈၼႆႉသမ်ႉ ဢၼ်လႂ်ၵေႃႈ ဢမ်ႇၵွၼ်းၵိူင်ႈလႆႈသေဢၼ်လႂ်လႄႈ ထိုင်တီႈ ဢမ်ႇၵုမ်းလႆႈ ဢမ်ႇၵမ်လႆႈ။
ၵူၼ်းမိူင်းလႆႈတုၵ်ႉယၢၵ်ႈၸွမ်းလၢႆသမ်ႇလၢႆပိူင် ။ ငဝ်းလၢႆးဝၢၼ်ႈမိူင်းယုင်ႈလႄႈ လိူဝ်သေပၢႆးမၢၵ်ႈမီးတူၵ်း ၊ ငိုၼ်းၽိူဝ်ႈ(ၶၼ်ငိုၼ်းဢမ်ႇမီး)ယဝ်ႉ ၵူၼ်းမိူင်းသမ်ႉလႆႈၵူဝ်ၺႃးငိုၼ်းပွမ်ထႅင်ႈ ။
ယွၼ်ႉဝႃႈ မီးၵူၼ်းၸူးငၢႆႈၶဝ် ပိုၼ်ၽၢဝ်ႇၶၢႆငိုၼ်းပွမ်ၼိူဝ်ဢွၼ်ႊလၢႆႊမီးၼမ်မႃး ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#Shannews