(General News) သိုၵ်းမၢၼ်ႈ ႁၢမ်ႈၸႂ်ႉတိၵ်းတွၵ်ႇ TikTok ယဝ်ႉ ႁႃႉ

သိုၵ်းမၢၼ်ႈ ႁၢမ်ႈၸႂ်ႉတိၵ်းတွၵ်ႇ TikTok ယဝ်ႉ ႁႃႉ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ၵၢပ်ႈယၢမ်းလဵဝ် ၼႅင်ႈသိုဝ်ႇပဵၼ်ၶိူင်ႈမိုဝ်းတႃႇၵူၼ်းၵူႈသႅၼ်းထၢၼ်ႈ ။ ဢမ်ႇဝႃႈ တေပဵၼ်တႃႇပၢႆးယူႇလီ ပၢႆးပၺ်ႇၺႃႇ ၵၢၼ်တူင်ႇၵူၼ်းၵူႈပၢႆးပၢႆးၼႆႉ လႆႉၸႂ်ႉတိုဝ်းၼႅင်ႈသိုဝ်ႇ တႃႇပၼ်တၢင်းႁူႉ တႃႇၵပ်းသိုပ်ႇၵပ်းသၢၼ်ၵၼ်ၸိူဝ်းၼႆႉ ။ မိူၼ်ၼင်ႇ Facebook ၊ Youtube ၊ Telegram ၊ TikTok ၸိူဝ်းၼႆႉလႄႈ ထႅင်ႈလၢႆလၢႆသႅၼ်း ။

ဝၢႆးသိုၵ်းယိုတ်းမိူင်းၼႆႉ ၵူၼ်းမိူင်းၼႂ်းမိူင်းႁူမ်ႈတုမ်မၢၼ်ႈ ဢမ်ႇထၢင်ႇႁၢင်ႈၸႂ်ႉၼႅင်ႈသိုဝ်ႇ ။ ႁႃလၢႆးတၢင်း ပိၵ်ႉဢိုတ်းပႅတ်ႈသၢႆၼႅင်ႈသိုဝ်ႇဢၼ်ၼိုင်ႈယဝ်ႉဢၼ်ၼိုင်ႈ မႃးတႃႇသေႇ။ မိူဝ်ႈလဵဝ်ၵေႃႈ ၶၢဝ်ႇလိုဝ်းၵၼ်ဝႃႈ သိုၵ်းမၢၼ်ႈ ပိၵ်ႉသၢႆၼႅင်ႈသိုဝ်ႇ TikTok ၼႆ ထႅင်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#ၽူႈတွႆႇႁွၵ်ႈ

#ShanNews