په اسټرالیا کې مېشتو افغانانو د سرشمېرنې لپاره د عامه پوهاوي کمپاین پیل کړی دی

د اګسټ میاشتې په ۱۱مه نېټه په اسټرالیا کې سرشمېرنه ترسره کېږي. په همدې مناسبت، په دغه هېواد کې مېشتو یو شمېر افغانانو د عامه پوهاوي یو کمپاین پیل کړی دی. په ملبورن کې مېشت افغان څېړونکی، حمید شیراني، هم د دې کمپاین له ګډونوالو څخه دی. له نوموړي سره مو د دې کمپاین د موخو، په سرشمېرنه کې د افغانانو د ګډون او د هغې د اهمیت په اړه مرکه ترسره کړې ده. تاسو کولی شئ مرکه دلته واورئ.