د انفلوانزا واکسین ولې اړین دي؟ د واکسین د ارزښت په اړه ځانګړې مرکه

په اسټرالیا کې روغتیايي چارواکي خلکو ته سپارښتنه کوي چې د انفلوانزا (زکام) ضد واکسین واخلي، ځکه تېر کال د انفلونزا فصل بې‌ساری سخت او د مرګ‌ژوبلې او ثبت شویو پېښو شمېر هم ډېر لوړ و. سږکال هم روغتیایي کارپوهان خبرداری ورکوي چې د انفلونزا ځینې ډولونه په چټکۍ خپرېږي او ښايي پر عامه روغتیا فشار زیات کړي. په همدې تړاو، مونږ له ډاکټر فرحت الله هاشمي سره مرکه کړې؛ او د واکسین د اهمیت، د خطر ډلو، د واکسین د مناسب وخت، او د انفلونزا د مخنیوي عملي لارو چارو په هکله مو خبرې کړې دي.