កម្ពុជានាំក្រុមអ្នកសង្កេតការណ៍អាស៊ាន ទៅពិនិត្យតំបន់តាមព្រំដែន

កាលពីព្រឹកថ្ងៃអង្គារ ទី៤ ខែសីហា ឆ្នាំ២០២៦ ក្រុមអ្នកសង្កេតការណ៍អាស៊ាន ប្រចាំកម្ពុជា (ASEAN Observer Team–Cambodia: AOT-KH) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) មកពីប្រទេសហ្វីលីពីន បានធ្វើដំណើរពីភ្នំពេញ ទៅសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែន នៅតំបន់ច្រកបឹងត្រកួន ស្ថិតក្នុងឃុំគោករមៀត ស្រុកថ្មពួក ខេត្តបន្ទាយមានជ័យ។ តំបន់ច្រកព្រំដែនបឹងត្រកួន ស្ថិតក្នុងតំបន់ជាច្រើនទៀត ដែលកាន់កាប់ដោយយោធាថៃ ក្រោយការវាយប្រហារ កាលពីថ្ងៃទី៧ ខែធ្នូ រហូតដល់ថ្ងៃទី២៧ ខែធ្នូ ឆ្នាំ២០២៥។