E alkamisa ñannde 27 lewru 8ɓuru yeewtere men no nawra en Guinee Bissau, nokku to woote referéndum e ko faati e doosgal kesal leydi happaa e alat aroowo. Faandaare waylugol sariya mawɗo Guinee Bissau, ko ngam waylugol no leydi ndin laamoraa, itta laamu ngun e sarɗinkooru watta laamu hooreyaaku, semmbina doole hooreejo leydi ndin.
Hay si tawi konunkooɓe ardiiɓe Guinee Bissau no sifori ɗee woote, huunde tabintinaynde laamu demokarasi e nder leydi ndin, lunndiyankooɓe ɓen ne liddii kamɓe ngol waylugol oo sariya mawɗo. E nder winndannde nde ɓe lollini balɗe yawtuɗe, ɓe noddi ɓiɓɓe leydi ndin waasude taweede e ɗii suɓngooji. Guinee Bissau kadi tawaama e leyɗe wayluɗe doosgal mun ɗii duuɓi sakkitiiɗi, ngam juunnude happu laamu ngun, ɓeydude doole hooreejo leydi, e toɓɓe goɗɗe e goɗɗe …