Ko holno yiiruɗon caɗeele taskaaɗe e battane ngal pellital haɗungal golle oogirɗe ɗe ɗoftaaki sariya e nder Gine
On Tottaama Konngol
Hiɗen yewta hannde ko faati e alhaali asugol kaŋŋe ngol ɗoftaaki sariya e nder leyɗeele Afrik, wonndude e pellite ɗe laamuuji leyɗe ƴetti ngam haɗuɗe ɗee golle e nder oogirɗe ɗe ɗoftaaki sariya. Ñannde ɗiɗi lewru ndu wonɗen e mum, laamu Gine ƴettii pellital ngam haɗude asugol kaŋŋe ngol aldaa e sariya e wuro Siguiri, to rewo-fuɗnaange leydi ndii, nokku to asooɓe heewɓe ɓe sukaaɓe ɓe hellifaaka tawaa, jeyaaɓe e leyɗe keewɗe wano Burkina Faso, Mali, Koddiwaar, Ghana… yaltinaa. Ɓawto mun ko ɓuri yimɓe ujunere, jeyaaɓe e leyɗeele seertuɗe, fawaama junngo. Oo alhaali non addi ngoƴaaƴi, wonndude e haalullaaji keewɗi e nder leyɗeele ɗen, Ko holno yiiruɗon caɗeele taskaaɗe e battane ngal pellital haɗungal golle oogirɗe ɗe ɗoftaaki sariya e nder Gine ? E nder yontere wootere nden laamu Burkina Faso kaɗi artirii pellital maɓɓe haɗungal asugol kaŋŋe ngol rewaani laawol.