Ko holno taskorɗon ngal pooɗondiral aafiingal hakkunde hooreejo leydi Bassirou Diomaye FAYE e hooreejo jaagorɓe makko Ousmane SONKO?

Yewtere men hannde altine ñannde 17, 11ɓuru no nawra en Senegaal. Lebbi 18 bawto poolgu Bassirou Diomaye FAYE e woote hooreyaaku leydi e bawto toɗɗagol Ousmane SONKO hoore jaagorɓe Senegaal, pooɗondiral fuɗɗaama taskeede hakkunde hooreeɓe ɓee ɗiɗo. Anngal pooɗondiral ɓurngal jibinde haallulaaji e nder leydi ndin, ko ngal taskaangal e dow suɓagol ardiiɗo kawtal pelle maɓɓe dawro. Jonte yawtuɗe, Ousmane SONKO heyɗintinno hoolaare makko e Ayda MBODJ, ardiiɗo ngal kawtital gila ngal sincaa.

Kono balɗe tati ɓawto mun, hooreejo leydi ndin Bassirou Diomaye FAYE, itti Ayda MBODJ e hooreeyaaku kawtital ngal lomtiniri mo Aminata TOURE.

Caggal mun e mooɓondiral mawngal PASTEF fedde nde Usmane SONKO woni hoore mun, ɓe lollini cimtol ngol ɓe holli e nder mun wonnde ɓe jaɓaa ngal pellital hooreejo leydi ndii ko faatii e toɗɗagol Aminata TOURE. E bi’ol maɓɓe, Bassirou Diamaye FAYE jogaaki darnde jippinngol Ayda MBODJ. Hiɓe ɓeydi hollude wonndema, sartiiji fedde maɓɓe PASTEF jeyda walla yaada e ɗi Aminata TOURE ɗin.

Hara anngal faamondiral taskaangal hakkunde ɓee hooreeɓe ɗiɗo Senegaal no juhi’on

Ko holno yiiruɗon janngol gollidal hakkunde Bassirou Diomaye FAYE e Ousmane SONKO?