Ko holɗum haani wonnde darnde ardiiɓe leyɗe Afrik tawtotaaɓe e ɗee jeewte COP31?
On Tottaama Konngol
Hannde alkalisa yewtere men no nawra en Turquie ngam yewtude fii ndee jonnde adunayankoore ko faatii e taariinde. Koolol 31ɓol jonnde nden, maa mi wi’ a COP31 udditii gila e altine Antalya ka laamorgo. Hooreeɓe leyɗe, wonndude e guwerneman e pelle sosiyete siwil , e daraniiɓe taariindi tummbondiran haa ñannde 20 lewru ndu wonuɗen e mun ngam ɓamude pehe ko faati e hiwugol weeyo ngon e ustude nguleeki wonuki e battinde sanne e nder adunaaru nduu teeŋtinii e leyɗe Afrik. Ka fuɗɗoonde jonnde yeddondiral maa mi wi’a pooɗondiral taskaama ko faati e alhaali kaalisiiji fotaaɗi huutoreede ngam haɓude caɗeele yowitiiɗe e mbayliigu weeyo e nder leyɗe ɗen. Alhaali goɗɗo, no fewti ko hooreeɓe leyɗe alɗuɗe ɓurɓe ɓen wano Dawlaaji Ndentuɗi Amerik, Faransi, Chine Allemagne, Inde, Italie…. Tawaaka koo hikka ka tumnbondiral.
Ko holɗum duunde Afrik waawi ɗaminaade e ɗee jonnde COP31?
Ko holɗum haani wonnde darnde ardiiɓe leyɗe Afrik tawtotaaɓe e ɗee jeewte?