Holno faamirɗon ngal pellital Cristiano Ronaldo dartingol fijangol diɗɗal leydi makko Portugal?
On Tottaama Konngol
Yeewtere men On Tottaama Konngol no nawra en hannde e banŋe Coftal-ɓalli.Cristiano Ronaldo anndinii yontere faltiinde pellital makko dartinde fijangol diɗɗal leydi makko. Oo kapiteen Seleçao, lollirɗo CR7, mo duuɓi 41 fellitii yaade fooftere caggal duuɓi 23 ɗi o fijani leydi makko. “Ɗum ko pellital muusngal ngal weeɓaani ƴettude, kono sahaa on hewtii yo mi fowto ngam sukaaɓe woɓɓe waawa heɓude darnde kañum kadi” Ko ɗum Cristiano Ronaldo holli e winndannde nde o waɗi e dow mejaare makko renndo instagram.
Gila o fuɗɗii fijande diɗɗal Portugal, e hitaande 2003, o fijii pottite 234 o naadii loggi 146, o dañii baloonje jowi kaŋŋe maa mi wi’a balon d’or. Ɗum ko e kitaale 2008, 2013, 2014, 2016 e 2017. Oo fijoowo balon burɗo loggude e nder taariika fuku koyngal Portugal, e ɗiɗaɓo e dañuɓe deese si feƴƴii Lionel Messi suutuɗo kañum deese jeetati, heɓii deesewal Euro e hitaande 2016, wonndude e Ligue des Nations. Oo atakanjo kippu Portugal ƴettii ngal pellital caggal nde anngal faamondiral taskaa hakkunde oo federation portugal e eltoowo diɗɗal ngal Jorge Jesus
ko holno faamirɗon gal pellital Cristiano Ronaldo dartinngol fijanngol diɗɗal leydi makko
Holno faamirɗon ngal pellital Cristiano Ronaldo dartingol fijangol diɗɗal leydi makko Portugal?