Holko waɗi Afrik waawaani haa hannde heɓde jullere walla julle duumiiɗe ender Dental Adunaaru ONU ?
On Tottaama Konngol
Toɓɓere yeewtere men yowitii hannde talaata 29 lewru 9ɓuru hitaande 2026, ko e faale leyɗeele Afrik heɓude julle (jonnde) to salndu tammbiindu kisal ndu Dental Adunaaru. E mbatu 81ɓiiru dental ONU gasngal altine hanki to New York, Dawlaaji Ndentuɗi Amerik, heewii e hooreeɓe leyɗe ummiiɓe e duunde Afrik naamdiiɓe, walla siiftinɓe wonnde yontii Afrik heɓa hankadi jullere walla julle 2 haa 3 duumiiɗe to Dental Adunaaru. Afrik, ko leyɗeele 54 e nder dawlaaji 193 ngonɗi e nder fedde ONU, 28 e nder teemedere kala e rentuɓe e nguu goomu adunaaru. Kaa haala julle Afrik to batu nations unies ina jeyaa e ko ɓuri teskeede e konngi hooreeɓe leyɗe afriknaaje ndee hitaande. Mbele ɗaminaare ina waawi jogeede e majjum ? Holko waɗi Afrik waawaani haa hannde heɓde jullere walla julle duumiiɗe to ONU ?