Hannde hiɗen yeewti ko faati e anngal tawtoregol fedde Demokrat'en e nder doggol aranol filotooɓe laamu Benin

 Hannde altine ñannde 27 ,10ɓuru en kaalan ko yowitii e caɗeele dawro taskaaɗe Benin. Taw si fedde dawro Democrat’en ɓurnde e mawnude e pelle lumdiiɗe laamu nguu waway tawtoreede e suɓngooji hooreeyaaku saatiiɗi e 4ɓuru hitaande aroore? Haa ni jibi liɓi no e alhaali waawude tawtoreede walla oo’o fedde politik democrate ɓe e ƴamooɓe lefol laamu. Ndee fedde lumndiyankoore tawaaka e doggol aranol lollinaangol ko faati e pelle foolotirayɗe woote arooje ɗee.

Suudu halfinaandu yuɓɓinngol suɓngiiji Benin pottinii kandidaajo maɓɓe on nde tawi hino sabu ko tawi kon ɓe waawaali timminnde adadu parrainage haanuɗo on. ɗun ko caggal nde depite maɓɓe gooto yiltii caggal maɓɓe.Joono hino heddaniiɓe parainage 1 e nder 28 parrainage mo ɓe haani dañude. Kono ndee fedde democrat’en hino jogii wi’ude kayre wonndema ɗum yonaa ko ɓe pottiniree e ɗii suɓngooji. Ɓe hollii wonde ko jeyi parrainage, ko fedde nden wonaa depiteejo on.Yontere yawtunde suudu sariya mawɗo Benin hollii waawa ñaawude wullitande nde fedde Democrat’en waɗi e dow alhaali on. Kono e aljuma faltiinde kadi fedde nden waɗii wullitannde wonnde ngam ɓe tawtoree e woote hooreyaaku Benin. Hiɓe habbii jooni ko suudu dosngal Benin jaabotoo e dow alhaali oo ado aljuma aroowo ñannde doggol kanndidaaɓe taweteeɓe ka suɓngooji kollintee