Hiɗen jaɓɓii Salmana Diallo ko yewta en alhaali urɓaaji waɗeteeɗi e dow njaltudiiji kawge coftal-ɓalli e battane e nguurdam sukaaɓe

Afrik, sukaaɓe buy ina duumii e urba coftal ɓalli, ɓura anndireede "Paris sportifs" e Faransiire. Ɗum non ina waɗa battane e nguurdam maɓɓe kañum kadi wonndigal maɓɓe e yimɓe ɓee e nder renndo ngo. 
Ngam yewtude ɗum, Habib Diao ina jaɓɓo Salmana Diallo, jannginoowo ganndal renndo to ɗuɗal jaaɓii hattirde ngal Labé to Guinee.  So diwii ɗum, e nder rogre men radio partenaire, woni Radio Gollidiiɗo, eɗen yewta e Amadou Foster Diallo, golloowo to radio Galaxie FM, to Conakry. Haa jooni e nder oo taskaram, Tidiane Maloune Barry ina artana enn kelme sappo faatiiɗe e Internet. Ɗum ko e rogre men Fulfulde faaminiinde.