Hannde yewtere taskaram men yowitotoo ko nafa e huutoragol keɓe walla kaɓaruuji weeyo ɗi meteewo rokkata e bannge ndema en der Afrik

 Holi woni ngartam mun. Ko honno remooɓe ɓee jokkondirta e ɓee gollooɓe e bannge meteo haa ɓe waawa huutoraade no haanirta nii ɗin kabaruuji walla keɓe. Ngam yewtude e dow ndee toɓɓere en bismoto hoɓɓe amen. Tawo Ceerno Ibrahima Sory BAH gooto e ardiiɗo suudu meteo ndu kindia dowla Guinée e Korgue Diaw ardiiɗo fedde rendinde remooɓe Richard Toll diiwal Saint Louis rewo Senegaal . Kono ko adii en heɗoto iyande gooto e heɗiyankooɓe men ko feewti e ndee toɓɓere. Tedduɓe ko nii woni mbaadi yewtere mon.