Alhaali ɓee lorriiɓe, mbaliigu weeyo woni sabu haa eggi e nokkuuje ɗe ɓe hoɗi e mum

Hannde yewtere taskara men yowitotoo ko battane mbayliigu weeyo e ɗannagol walla eggayɓe sabu caɗeele mbayliigu. Hannde e oo ɗoo saaha ɗum addii caɗeele tiiɗude yimɓe wano durooɓe remooɓe walla kadi woɓɓe. Holko saabi haa hannde hitaande kala e leyɗe goɗde no teskee eggayɓe sabu mbayliigu weeyo ? Holko foti wonude pehe ngam haɓude ko yowitii e
oo alhaali. Holi foti wonude darnde ardiiɓe ɓee, kono kadi ɓee yimɓe dogayɓe egga sabu battane mbayliigu weeyo ?
Ngam yaajnaade e ndee toɓɓere en bismoto koɗo men Dr Fatumata Mayga malinaajo jannoowo e wiɗtotooɗo ka duɗal toowngal wonungal Bamako ko feewti e caɗeele walla bonandaaji yowitiiɗi e mbayliigu weeyo. Kono ko adii ɗum en heɗoto Demba Ba senegalnaajo egguɗo sabu ilam e wuro Baalo e nder diiwal Tambakunda e fuɗnaange leydi ndii e Mamadou Oury Barry egginaaɓe caggal masiibo waɗuɗo Maaneya e nder Guinee waɗuɗo rowani. Ka jofingol en heɗoto
kadi Amadou Boukari ardinooɗo fedde wi'eteende yare deggal yowitiinde e lumbugol daabeeji.