Ent. Daniel Goberna, prefecto de música da Catedral - O órgano catedralicio incorpora 4 novos rexistros

Este domingo ás 17 h na Catedral terá lugar a presentación dos catro novos rexistros do órgano barroco que suman 266 tubos co que completa o instrumento deseñado nos 90' por Gerhard Grenzing e dota de novas sonoridades ao instrumento. Así nolo contou Daniel Goberna, prefecto de música da Catedral, que o domingo xunto ao coengo organista, Joaquín Estévez, realizará a presentación.

Está previsto amais un concerto inaugural a cargo do organista de Roma Federico del Sorte o domingo 29 de novembro.

Tanto a incorporación dos novos rexistros coma o concerto inaugural forma parte das actividades conmemorativas do VIII Centenario da consagración do templo.