Send us a text
Efesiërs 4:2 Wees altyd beskeie, vriendelik en geduldig, en verdra mekaar in liefde.
Nederigheid, sagmoedigheid en geduld is heel bo-aan ons lysie van wonderlike eienskappe wat ons wil hê dat ander mense teenoor ons moet betoon. Ja, dis darem die minste wat hulle aan ons verskuldig is! Maar kom ons wees eerlik; dit is ongelukkig eienskappe wat soms in óns houding en gedrag teenoor ander, beslis afwesig is.
Mac Davis, ‘n country-sanger van Texas, het in 1980 'n trefferliedjie oor nederigheid vrygestel – ek spot net – ons kan dit eerder as ‘n gebrek aan nederigheid beskryf. Die refrein klink so:
O Here, dis moeilik om nederig te wees wanneer jy in elke opsig perfek is
Ek kan nie wag om in die spieël te kyk nie, want ek lyk elke dag beter
Om myself te ken, is om myself lief te hê, ek moet 'n wonderlike man wees
O Here, dis moeilik om nederig te wees, maar ek doen my bes!
Dis grappig; ja, maar ook tog so onthullend. Almal is natuurlik nie arrogant nie, maar ons almal hou tog daarvan om so af en toe ‘n bietjie in die kalklig te wees, nè?
Efesiërs 4:2 Wees altyd beskeie, vriendelik en geduldig, en verdra mekaar in liefde.
Dit laat jou hand in eie boesem steek, oor hoe jy jouself, in verhouding tot ander sien. Waar plaas jy jouself in jou gedagtes, op die trefferslys, wanneer jy jouself met diegene rondom jou, vergelyk?
Wel, wees eerlik, waar is jy op die trefferslys? Die waarheid is, hoe laer jy jouself posisioneer, hoe groter sal jou geduld, nederigheid en liefde teenoor ander wees.
Wees altyd beskeie, vriendelik en geduldig, en verdra mekaar in liefde.
Dis God se Woord. Vars … vir jou … vandag.
Support the show
Enjoying The Content?
For the price of a cup of coffee each month, you can enable Christianityworks to reach 10,000+ people with a message about the love of Jesus!
DONATE R50 MONTHLY