Юрый Дракахруст. Ці пагодзіцца Еўропа “перагарнуць старонку”, калі Коўл не прыедзе?

Павел Латушка і НАУ прадставілі “Праграму сапраўдных змен” з 10 пунктаў. У праграме прапісаны ўмовы, якія неабходна выставіць рэжыму, калі той сапраўды хоча наладзіць адносіны з Захадам. Але не толькі. Паводле распрацоўшчыкаў “Праграмы сапраўдных змен”, гэта яшчэ і “адказ на спробы Аляксандра Лукашэнкі ў чарговы раз прапанаваць Мінск у якасці «перамоўнай пляцоўкі» па ўрэгуляванні расійска-ўкраінскай вайны”. Што праўда, дагэтуль ёсць вялікія сумневы, што ў тых перамовах возьме ўдзел не тое што Лукашэнка, але і ЕС. Тут нават перамовы ЗША з Мінскам пад пытаннем…

Чым “10 пунктаў” ад Латушкі адрозніваюцца ад спіса ўмоў, якія выстаўляе Лукашэнку ЕС у якасці патрабавання для аднаўлення адносін? Калі Лукашэнка не пагадзіўся на дыялог у 2021 годзе, то чаму ём мусіць гэта зрабіць цяпер? Ці ёсць будучыня ў амерыкана-беларускіх перамоў і хто, калі не Коўл, здольны вызваліць палітвязняў? На гэтыя ды іншыя пытанні ў эфіры Еўрарадыё адказвае аналітык “Белсата”, даследчык Цэнтра новых ідэй Юрый Дракахруст