DW | Amharic - News

በደቡብ ኢትዮጵያ ክልል ጂንካ ከተማ ውስጥ ተከሰተ በተባለው «ቫይራል ሄመሬጂክ ፊቨር» የተባለ በሽታ ላይ ከኢትዮጵያ የጤና ጥበቃ ሚኒስቴር ጋር በቅርበት እየሰራ መሆኑን የዓለም የጤና ድርጅት ገለፀ።የበሽታው ምልክት ያለባቸው ሰዎች በአፋጣኝ ወደ ጤና ጣቢያ እንዲሄዱም ድርጅቱ አሳስቧል።አንድ የአካባቢው ነዋሪ ግን ስለበሽታው ግንዛቤ የለም ይላሉ።

ከወራት የዘለቀ ክርክር በኋላ የጀርመን መንግስት የወታደሮችን ቁጥር ለመጨመር አዲስ ዘዴ ለመንደፍ ተስማምቷል።ቡንድስዌህር እየተባለ የሚጠራው የጀርመን ጦር ተጨማሪ ሀይል እንደሚያስፈልገው ገልጿል። ለዚህምብሄራዊ ውትድርና አገልግሎት ምልመላ ለመጀመር a።ቅዷል። ርምጃው ሀገሪቱን አሁን ካለው የጅኦ ፖለቲካ እውነታ ጋር ራሷን ለማስማማት ነው ተብሏል።

የታንዛንያን ምርጫ ተከትሎ በሐገሪቱ በተነሳው ብጥብጥ በብዙ መቶዎች የሚቆጠሩ ሰዎች መገደላቸውን ዋናው የተቃዋሚ ፓርቲና የሰብአዊ መብት ተሟጋች ድርጅቶች ይናገራሉ። የታንዛንያ መንግስት የተጠቀሰው ቁጥር የተጋነነ ነው ቢልም ስለሞቱ ሰዎች ትክክለኛ ቁጥር ከመግለፅ ተቆጥቧል። የታንዛኒያ ፖሊስ ርምጃን በተመለከተ ዶይቸ ቬለ የቪዲዮ ዘገባ ሰርቷል።

አፋር ክልል ዉስጥ ተሰነዘረ የተባለዉ ጥቃትና ትግራይ ክልል ደረሰ የተባለዉ የሰዉ አልባ አዉሮፕላን ድብደባ ደግሞ የተፈራዉ ጦርነት ሊጀመር «የኃይል መፈታተሺያ» ይሆናል የሚል ጥርጣሬ አጭሯል።ደራሲና የፖለቲካ ተንታኝ የሱፍ ያሲን እንደሚሉት ተቀናቃኝ ሐይላት የጀመሩት መፈታተሽና የገጠሙት የቃላት ጦርነት ዳግም ጦርነት የማይቀር አስመስሎታል

ፈረንሳይ የዛሬ አስር ዓመት ከ130 በላይ ሰዎችን ሕይወት የቀጠፉ በርካታ የሽብር ጥቃቶች የተፈጸሙበትን ዕለት እያሰበች ነው። የጥቃቱ ሰለባዎች ቤተሰቦች የመታሰቢያ ቤተመዘክር እየተዘጋጀ ሲሆን በጎርጎሪዮሳዊው 2029 ዓ,ም ተጠናቆ ይከፈታል ተብሎ ይጠበቃል።

የዓለም የአዉቶሚክ ተቆጣጣሪ ድርጅት (IAEA) ከሶስት ወር በኋላ ባለፈዉ መስከረም ባወጣዉ መግለጫ ግን ኢራን 440.9 ኪሎ ግራም የሚመዝን የተብላላ የዩራኒየም ክምች እንዳላት አስታወቀ።ድርጅቱ እንደሚለዉ የኢራን የዩራኒየም ክምችት 60 በመቶ የነጠረ ወይም የተብላላ ነዉ።ኑክሌር ቦምብ ለማምረት ዩራኒየሙ 90 በመቶ መንጠር ወይም መብላላት አለበት።

የኢትዮጵያ ጤና ሚኒስቴር በደቡብ ኢትዮጵያ ክልል ጅንካ ከተማ «ምንነቱ በመረጋገጥ ላይ ነው» ያለው የሄሞራጂክ ፊቨር መከሰቱን ገልጿል። በበሽታው የተጠረጠሩ ስምንት ሰዎችም እንዳሉ ሚኒስቴሩ አስታውቋል። የጅንካ አጠቃላይ ሆስፒታል ሜዲካል ዳሬክተር ለዶይቸ ቬለ እንዳስረዱት እስካሁን ተመሳሳይ ምልዕክቶች ያሳዩ የስድስት ሰዎች ህይወት አልፏል።

የውጭ ምንዛሪ ግብይት በአቅርቦት እና ፍላጎት እንዲወሰን ከተደረገ ወዲህ ኢትዮጵያ ከሸቀጦች የወጪ ንግድ የምታገኘው ገቢ ዕድገት ቢያሳይም ብር እየተዳከመ ነው። የወርቅ ኤክስፖርት መሻሻል ብር እንዲረጋጋ ሊያደርግ እንደሚችል ብሔራዊ ባንክ ተስፋ አድርጓል። ሦስት ባለሙያዎች የተሳተፉበት ውይይት የምንዛሪ ገበያው ብር ላይ ያሳደረውን ተጽዕኖ ይፈትሻል።

በታንዛኒያ ከተካሔደው ፕሬዝደንታዊ እና የምክር ቤት ምርጫ በኋላ በመቶዎች የሚቆጠሩ ሰዎች ሳይገደሉ እንዳልቀረ ተቃዋሚው ቻዴማ ፓርቲ አስታውቋል። የሀገሪቱ ውጭ ጉዳይ ሚኒስትር በበኩላቸው መንግሥታቸው በተቃዋሚዎች ላይ ያልተመጣጠነ ኃይል እንዳልተጠቀመ ተናግረዋል።

በታንዛኒያ በተቀሰቀሰ ድኅረ ምርጫ ኹከት እስካሁን ቁጥራቸው በውል ያልታወቀ ሰዎች መገደላቸውን የሰብአዊ መብቶች ተሟጋቾች እና የዲፕሎማሲ ማኅበረሰብ ምንጮች ተናግረዋል። ትላንት ረቡዕ በታንዛኒያ እና በከፊል ራስ ገዝ በሆነችው ዛንዚባር በተካሔደው ፕሬዝዳንታዊ እና የምክር ቤት አባላት ምርጫ ዋና ዋናዎቹ ተቃዋሚዎች አልተሳተፉም።