'Di'r helmed yn ffitio?

Yn y bennod yma mi fyddai yn edrych nol ar y gemau fwyaf trawiadol yn fy marn i ac hefyd yn edrych ymlaen tuag at gemau nos fory. Hefyd, mi fyddai yn trafod y trades hurt sydd wedi bod yn mynd mlaen wythnos diwethaf yma! Gan gynnwys Sauce Gardner yn mynd i'r Indianapolis Colts!

Dani'n nôl! Ar ol egwyl hir dwi nôl yn siarad am pob dim NFL. Yn y bennod yma mi fyddai yn trafod 3 gêm wnaeth denu'n sylw i wythnos yma. Mi fyddai hefyd yn trafod yr anturiaethau a giamocs cesi tra yn Llundain ar gyfer y gemau NFL.

Yn y bennod yma mi fyddai yn ateb eich cwestiynau chi wrth imi drafod be aeth o'i le gyda LRZ a'r NFL? Ac a ddylwn ni poeni am ganlyniadau gemau cyn-dymor? Hefyd, mi fyddai yn trafod Arwr a Chachwr y dydd cyn diwedd y bennod.

Mae'r NFL yn nol! Heno mae'r gêm gyntaf o'r flwyddyn a'r cam cyntaf tuag at bêl-droed Americanaidd diddiwedd tan fis Chwefror! Yn y bennod yma mi ydw i yn adolygu newyddion diweddaraf yr wythnos yn gyflym gan hefyd rhagweld y gêm heno 'ma a'r chwaraewyr i gadw llygad allan amdan.

Yn y nawfed bennod mi ydw i yn croesawu Rhodri Lewis i'r podlediad. Yn y bennod yma mi ydan ni yn trafod Y Rams a sut mae Rhodri yn teimlo am y tymor nesaf, y sefyllfa Quarterback yn Los Angeles, y sîn NFL yng Nghaerdydd a thrafodaethau rhwng Miami a Pittsburgh.

Yn yr wythfed bennod o "Di'r Helmed yn Ffitio?", dwi yng nghwmni Mei Emrys wrth i ni drafod Yr Indianapolis Colts a'i ddrafft, yr ystafell Quarterback sydd yna, sut cafodd Mei i mewn i wylio'r NFL a chysylltiadau annisgwyl gyda Gogledd Cymru a'r byd Pêl-droed Americanaidd.

Yn y seithfed bennod o'r bodlediad, dwi'n trafod cytundebau, cytundebau a chytundebau. Y ddrama ddiweddar gan gynnwys Caleb a'i deulu yn erbyn y Bears ac Abdul Carter a'i grys. Mae'r NFL wedi rhyddhau amserlen ryngwladol y gynghrair, fydd y chi yn mentro mynd i wylio gem yn Llundain? A dwi'n rhagdybio pa Rookies fydd yn serennu yn y gynghrair tymor yma.

Yn y chweched bennod o’r podlediad, mi fydd Cynan yn dadansoddi rownd gyntaf o’r drafft NFL 2025. Sut hwyl gafodd Cynan yn rhagdybio? Oes unrhyw ddewisiadau dydi Cynan ddim yn cytuno hefo? Pwy ddiawl wnaeth y Saints bigo tro ma’?

Yn y bennod hon, mi fydd Cynan yn rhagdybio pwy fydd yn cael eu pigo yn rhan olaf y rownd gyntaf, rhwng dewis 32 gyda’r Philadelphia Eagles, i ddewis 17 gyda’r Cincinnati Bengals. Bydd Cynan yn bell o’r marc?

Yn y bennod hon, mi fydd Cynan yn rhagdybio pwy fydd yn cael eu pigo yn rhan gyntaf y rownd gyntaf rhwng dewis 16 gyda’r Arizona Cardinals, i’r dewis cyntaf gyda’r Tennessee Titans. Fydd Cynan yn bell o’r marc?