Toɓɓere yeewtere men hannde arti ko e ballal fedde Kinsiba faade e ɓeen rewɓe ɓe enɗi mum en taƴaa caggal ñawu kanseer enndu

Hannde yeewtere men yaarii en e juuɗe waalde kinsiba ɗo ɓe tawaa e golleeji ɗi ɓe ngaɗanta rewɓe waɗaaɓe opeere enɗi caggal nde ɓe tawraa ñawu kanser.

Suusam, semmbe, hoolaare, yiitugol hoore mum, ɓantaare… ɗum woni ko ɓee rewɓe kemtii caggal yiitondirde e ndee fedde Kinsiba. Ɗum ko sabu ballal ngal ɓe ndañi waɗaneede bannge moƴƴintinde miijooji maɓɓe caggal kulol e tampire ñawu kanser enndu.  Heewɓe e maɓɓe cifoken yiitude ko'e muɓɓen caggal waɗaneede heblooji nguurdam kesam e ndee eɓɓoore noddiraande « bulle de vie »