Maɓɓo maa durmo ko rafi jawaaɗo kono muusɗo, ko ɗum woni toɓɓere men hannde e kaa taskaram Cellal Ko Ngalu

Ndee yontere, eɗen njeewta ko faati e maɓɓo, ɓuraa anndireede grippe e faransiire. Ko ñawu heewngu heɓtaade e sahaa ndunngu. Maɓɓo ina adda caɗeele keewɗe e nder winndere nde, haa teeŋti noon e leyɗeele pamarɗe doole hono ɗe men ɗee. Ngam yeewtude heen Habib Diao yeewtidii e doktoor Daouda Thioub cafrowo to suudu safrirdu ndu Fann ɗoo e Dakaar.