Barrscéalta

Ba é Breandán Ó Dufaigh, Stiúrthóir Éigse Sheáin Bháin a bhí mar fhear an tí ag oscailt na hÉigse agus seo mar a labhair sé agus mar a rinne sé cur síos ar údar an leabhair, “Scríbhneoirí, Filí agus Ceoltóirí as Gaeltacht Láir Thír Chonaill,” An Sagart Pádraig Ó Baoighill agus ba í Eliana Archetti ó Ollscoil Chathair B.Á.C a sheol an leabhar.

Is é an Domhnach seo teacht, an deichiú lá fichead de mhí na Samhna, an dáta deiridh a mbeidh Cumann Thír Chonaill i mBaile Átha Cliath ag glacadh le hainmniúcháin do Phearsa Dhún na nGall 2025. Bhí Finian i Londain fosta ag an deireadh seachtaine nuair a bronnadh Pearsa Dhún na nGall i Londain ar Shéamus Carr as Gleann Cholm Cille ó dhúchas.

Bhí eagraíochtaí as Dún na nGall i measc na mbuaiteoirí ag Gradaim Náisiúnta Údarás na Gaeltachta a bronnadh ag ócáid in Óstán Chois Fharraige sna Forbacha aréir, b’iad Coiste Forbartha Éadan Fhionn Fraoich buaiteoirí móra na hoíche nuair a bronnadh an príomhdhuais agus Gradam Phádraig Uí Aoláin orthu agus tá Brídín Uí Ghallachóir linn anois.

Beidh Cluiche Ceannais Sinsear Iománaíochta Uladh ar siúl amárach idir Shleacht Néill agus Naomh Eoin agus tá Pádraig linn le súil chun cinn a chaitheamh ar an chluiche.

Inniu Aoine Mhór na Siopadóireachta agus chuir muid ceist ar Phóilín Nic Géidigh ón chomhlacht ar líne Mara Duit.com roinnt taighde a dhéanamh dúinn inniu agus moltaí a chur ár dtreo.

Rinneadh na tarraingtí do na Craobhacha Cúige sa pheil aréir agus linn tá na tráchtairí spóirt, Mark Harte agus Owenie Mac Gairbheith le plé a dhéanamh ar an tarraingt agus súil chun cinn a chaitheamh ar chluichí peile an deireadh seachtaine.

Le scéalta móra nuachta an lae.

D’fhógair an tAire Tithíochta, James Browne inné go dtug bord an Rialtais cead Bille Scéim Leasuithe na mBrící Lochtacha a fhoilsiú. Bhí an Pat linn lena thuairim a thabhairt faoin bhille agus labhair sé fosta faoin scéal is deireanaí maidir le Togra Bóthair an Ten T.

Níl ach lá amháin fágtha ag scoileanna a gcuid clárú don chúrsa ‘Iriseoirí an Lae Amárach’ a bheas ar siúl arís i Leitir Ceanainn i mí Eanáir.

Tá Lily-Mae Ní Ghallachóir as Glaise Chú ag tabhairt aghaidh ar Chicago i Meiriceá ar an bhliain seo chugainn d’Oireachtas Rince na Cruinne 2026. Labhair Lily Mae Ní Ghallchóir agus a haintín Marie le Michelle.